اسرتنا سر سعادتنا

#1 07-01-2009, 09:00 PM

مواقف بعض البنات في شهر العسل

أولاً

تقول الأخت زياراتها للمطاعم مع أهلها كانت قليله
المهم أول أيام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو
بس تكفى لايحط فلفل
زوجها تسدح من الضحك وهي تقول احسبها وجبه أو طبق معين
==========================
ثانياً
في وحده شعرها دايم يحتاج له استشوار مهو بناعم المهم الستشوار خرب وماتدري وش صار فيه عاد هي ذكاءها قادها لفكره جهنمية
وش سوت راحت على طاولت الكوي وانسدحت وهاتك يا كوي بهالشعر
ودخل زوجها فجه عليها على باله صادوه واختنا في الله تكوي منسجمة
الرجال انهبل على باله تزوج وحده ماهي صاحية
===========================
ثالثا
وهذا موقف لوحده بشهر العسل تقول كنت مسافره خارج السعودية واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعا مشهيات قبل ما نطلب زيتون ومخلل وجرجير
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
مير تطير الزيتونه وتصقع وجه الجرسون وهو ياخذ الطلبات
قام قال عنا في لبنان نأكل الزيتون بأيدنا
عاد مير ما اسكت وأنثبر
قلت غريبة حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ
===========================
رابعا
وحده تقول انا متزوجه ولد عمي
و أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابوا الطلب طلع مكرونه وحركات لآنها وجبة أطفال !!
============================

خامسا

يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع
زوجك أمزحي والعـبي واضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع
الدرج ألا وهو في آخر الدرج متشقلب وقاعد يون ويصيح من الألم قالها وش فيك كذا جلست البنت تصيح وتقول كله من أهلك
يقولون امزحي معه وهذي آخرتها

ههههههههههه

==============================
سادسا
بقولكم اليوم عن وحده اعرفها أول أيام زواجها تقول كنا طالعين واحتجت الحمام مرررررررررره بس مستحيه اقوله وهو شكله
ماعنده نيه يروح لمكان فيه حمامات المهم تقول عجزت أتحمل وجلست أفكر بأسلوب حلو ما يخرب برستيجي عنده قلت خلاص بقوله
ابغى دورة المياه أحسن من كلمة الحمام
تقول وأنا ميتة من الفشيله قلت ابغى أروح لدورة الحمام مادريت ألا الرجال ميت من الضحك ويقول يا عيني على الاتيكيت

خخخخخخخخخ

=============================
سابعا
هذي وحده تقول اول ما تزوجت كنت ادرس وكان يوديني زوجي للجامعة وياخذني
المهم أنا جالسه انتظره وكنت واقفه في الشارع وأشوفه بعد كم سياره المهم جلست استـناه
يوم وصل عندي وانا امشي بغنج الا واطيح ذيك الطيحه طراااااااااااااااااااااخ
جلست على ألارض ما يشوف الا راسي من عند شباكي جالسه أناظره ولا أتحرك
وكان الشارع مليان رجاجيل وبنات
واركب في السياره بسرعه وهو ميت من الضحك واجلس أصيح قلت ما تعرف تسمي علي

==============================

وأخيراً
هذا الموقف قرأته بمجله وحدة تقول أول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد
مرور سنة طاحت بنفس المكان قالها عمى ما تشوفين.

هههههههههههههههههههههه

هههههههههههههه

000000000

00000

000

00

0

كل وحدهـ تنتبه من شهر عسلهآ

,,

وبالتوفيق لكم جميعاً