مالذ وطـاب من الاكل والشراب

#1 06-10-2009, 09:50 AM

السلام عليكم ورحمة الله وبركاته

يا مساء الايس كريمات والمثلجات

عمله انهارده تورتة ايس كريم مظبوطه زى بتاعت الحلوانيه بالظبط
وممنوع اقتراب اصحاب القلوب الضعيفه على رأى رضوى

بس حقولكم على سر انا اخدت الشكل من موقع اجنبى لكن ملوش علاقه بالمقادير تماما

اولا التورته عندى 4 طبقات ماتتخضوش

الطبقه الاولى طبقةالكيك والكيكه ده غير الكيكه بتاعتنا اللى مينفعش تدخل الفريزر
ده الكيكه الخاصه بالايس كريم هى بتكون ملبنه مهما اتجمدت وننتقل الى المقادير
11/2 كوب زلال البيض
3/4 كوب سكر
11/4 دقيق مضاف اليه 1/3 كوب سكر

الطريقه
اخفق بياض البيض الى ان ينفش وبعد ذلك اضيف السكر تدريجيا
مع الاستمرار فى الخفق
وانخل الدقيق مرتين او ثلاثه مع السكر علشان اتأكد ان ان مفيش كلاكيع
واضيفهم شويه شويه مع التقليب من تحت لفوق بهدوء
واضعهم فى قالب كيك ومشلازم يكون مبطن
واخبزها فى فرن ساخن الى ان تستوى وبعد1/2 ساعه بجرب بمكرونه اسبكتى لو خرجت ناشفه من العجينه تكون كده استوت
وطبعا ما تنسوش تهدوا النار حاجه بسيطه على الفرن بعد اول تلت ساعه فى الرف اللى فى النص علشان ماتتحرقش من تحت
سيبتها بردت وقسمتها نصفين اخدت نص ودخلت التانى الفريزر لاستخدامه مره اخرى

الطبقه التانيه
هى كانت طبقة شوكولاته موروار وطريقتها فى الرابط ده

بس كنت عايزه انبهكوا لحاجه سبب استخدامى للشوكولاته ده انها كانت اساسا عندى فى دولاب الخزين ولكن بعد ماعملتها لاول مره حسيت انها بالظبط كراميل بيتى وعليه شوكولاته مبشوره
عايزه تسيبك من ده ومن ده وتحطى شوكولاته نوتيلا يا جماله وافرد طبقه خفيفه على الكيك
وادخلها الفريزر 1/2 ساعه

الطبقه التالته
2 باكت ايس كريم شوكولاته لكن الباكت مكتوب عليه يخفق مع 200 مل لبن بارد
انا خفقت ال2 باكت مع 300 مل لبن فقط
واضفت باكت كريم شانتيه مخفوق مع 1/2 كوب لبن بارد

واحضرت 3 باكت من الشوكولاته ده

كسرت 2 باكت تكسير خفيف وقلبته مع الايس كريم والشانتيه

وفردته فوق الطبقه التانيه ودخلتها الفريزر طول الليل لكن ممكن 5 ساعات فقط
وخليت الباكت التالت للزينه

الطبقه الرابعه

كريم شانتيه مخفوق حوالى 2 باكت وزينت بيها الالطبقه التالته ومن فوقها الشوكولاته الكور
وبعدين حطيت صوص من الطبقه التانيه وهى سايحه وممكن صوص شوكولاته عادى جدا
ودوقوا وقولوا الله