رد: ممكن مساعدتي ابغي وصفات سهلة للحلويات
تامرين امر
شوفي حبوبة
بعطيك كذا وصفه انا دايم اسويها ماخذتهم من منتديات
وبعضهم من عندي
تحمليني شوي ههه
اولا ابتدي بوصفاتي
اخذ كيك جاهز على شكولاته او فانيلا او اي نكهه انتي براحتك
وتفتتينه براحتك بصينية كبيرة او بصحون الجيلي
طبعا انتي تقولين حفله راح تظطرين لو تبين تسوينها تسوينها بصينية او صينيتين
اوكي
تاخذين كيكة جاهزة وتفتتينها
بزبدية تحطين ملعقة كبيرة نسكافية وظرف دريم ويب و2 ملعقة كبيرة كاكاو او حسب رغبتك وقليل من كريم كراميل ونص حليب سائل بوني او بو قوس وعلبه قشطة
طبعا اذا كنتي تبين تسوين واجد تزيدين الكمية حسب المقدار
وبعدها تخلطينها وتصبينها بشكل عشوائي ع الكيك وتنثرين شويه جوز هند اذا كنتي حابه او حبيبات كاكاو الزينة وتغطينها بقصدير وتحطينها بالثلاجة انتبهي تخلينها مفتوح لان الخلطة اللي فوق الكيك بتسود وبتيبس
حلى ثاني
بسكوت شاي حسب الصينية
ظرف دريم ويب وونص ظرف كريم كراميل او اقل اذا ماتبين تكون سكرية واجد وملعقتين كبيرة كاكاو او حسب رغبتك ونص علبة حليب نستله وعلبه قشطة
بسكوت اوريو حسب الصينية او ذوقك
تغمسين البسكويت بماء وتصفين طبقتين بصينية يعني طبقة وبعدين طبقة ثانية بسكوت
وتخلطين الدريم والكراميل والقشطة والنستله والكاكاو وتصبينه فوق البسكويت
تفكين الاوريو ومو شرط تشيلين الكريم اللي فيها اذا كنت ماتبين شيليه عادي
وتصفينه فوق الخلطة حسب رغبتك تبين واجد شوي بكيفك
انا مسويتها الحين بصورها وبحطها لك
حلى ثاني
بسكوت شاي حسب الصينية
كاس حليب بودرة محموس و علبة قشطة وبيالة سكر و بيالة زيت
تصفين بسكويت شاي في الصينية و تخلط القشطة والسكر والزيت وبعدين تضيفين الحليب المحموس بالتدريج وتحلطين وبعدين تحطينه فوق البسكويت بعدين تحطين طبقة ثانية بسكوتبعدين يخلط :
2 علبة كريم كراميل + 1 علبة قشطة + ماءملىء علبة القشطة مرتين ويحرك على النار ثم يبرد قليلا ثم تصبينه فوق البسكويت وتحطينه في الثلاجة
وعندك امممم
حلى روعة دايم اسويه ماخذتها من النت
2ك حليب جاف محمس / 3 بيض / 1/3 ك زيت / 1/3 ك سكر /
/ 1قشطة / فانيلا / 1م صغيرة بيكنج بودر
للحشوة :
1/2 حليب محلى / 6 كيري
الطريقة :
نضع في الخلاط البيض والسكر والزيت والفانيلا والقشطة والـبيكنج بودر ونخلط
ثم نضيف الحليب المحموس على دفعات حتى تتجانس المقادير واذا الخليط
ثقيل مرة نخففه بشوية حليب سائل
نصب نصف الخليط في الصينية وندخلها الفرن ( يكون حامي مسبقاً ) لمدة 5 دقائق حتى تتماسك الطبقة
نخرج الصينية من الفرن ونضيف لها خليط الكيري والحليب المحلى
ثم ندخل الصينية في الفرن مرة ثانية لمدة 5 دقائق
نخرج الصينية ونضيف باقي الخليط ونوزعه بحذذر
نرجع الصينية في الفرن لحد مايتماسك الوجه ونولع الفرن من فوق
بس من غير تحمير للوجه حتى تتماسك الطبقة جيداً
تقطع وتقدم بعد ماتبرد جيداً طبعاً
ونفس الطريقة سويت بس غيرت بدل محط الكيري والنستله بالوسط احط بداله اصف بسكوت شي واحط خلطة الحليب المحموس وادحله الفرن وبالخلاط احط الكيري والنستله وبس اطلع الحلى من الفرن اصب خلطة النستله والجبن
لي عودة بحلى من منتديات بالصور بعضها مجربته بعضها باقي ماجربت
|
تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 1024 * 768 و حجم 68KB.
العرض العادي
