منتدى الرياضه السعودية

#1 05-21-2009, 05:40 PM

من معه جمهور النصر لابد يبشر بالســــعــــــــد
واللي رفع راسهم لفوق جمهور نصره ينصره

بقولها وبجزم بها ماني بفكر في احـــــــــــــد
ماهمنا كل من حكى ولا طلع لـــــــــــه بربره

حنا جماهير النصر مثل الجـــبـــل لامن صمد
ومثل البحر لامن هــــــــدر لامر جسرٍ كسره

حنا جماهير النصر قلنا يفوز بها ســــعــــــــد
وحنا رجالٍ لانوو شئٍ يجيبون خـــــبـــــــــره

خذها تحيه ياسعد مني وانا اسمي ســــعــــــــد
لوك مصاب ولا لعبت وغيرك يطارد هالكوره

هالجايزه مالها عريس الا انت ياوجـــــه السعد
وغيرك يابو مشعل بقى ذيل الخساره يجرجره

من معه جمهور النصر يحرم عليه من النكد
هذي جماهير النــــصــــر مافي رهانٍ تخسره

الجايزه الاولى وصلــــــت والثانيه تبشر بعد
ان قالها الله ياســــعــــــــــد انها تجيك معطره

ذولاء جماهير النصر قالو يفوز بها ســـعــد
يعني يفوزبها ســــعــــــــد وغيره ابد مايقدره

وللتحميل والاستماع

مركز تحميل | مركز رفع | مركز تحميل ال-0541919350.mp3

الشاعر
سعد بن جزاء الميموني
شاعر حزن

05-22-2009, 10:09 AM

قصيدة رائعة

تسلم يدك و تسلم يد كاتبها

ننتظر جديدك سفير الغرام بكل شوق

05-22-2009, 01:01 PM

سعد sms !!

مبروك لجمهور النصر الفوز بالسيارة ..

>>> الحمد لله شبابين طموحنا بطولات ..

05-22-2009, 03:18 PM

القصيدهـ رائعهـ >> أعجبتهـ

وبالنسبهـ لـ الجائزهـ

مع أن سعد مالعب هـ الموسمـ الا مباريات قليلهـ

لكن جمهور العالمي غيييييير

يستاهل أبو مشعل واللهـ يخلي جماهير العالمي

05-23-2009, 11:34 AM

جمهور الشمس لاتدخلو معه في تحدي

يستاهل سعد

واللي يقول سعد مالعب هي جائزة الاكثر شعبيه وليس لافضل لاعب

ولو كانت لافضل لاعب لاستحقها نور بجداره

مشكور سفير على الموضوع