قلمي الخاص

#1 04-27-2009, 03:35 PM

سلاموووووووووووووووووووووهـ
كيف الحال اعضاء وعضوات نيوفهـ ..
اليوووم بقولكم قصتي مع نادي برشلونه النيجيري ..

//

//

بس لازم تقرون شروط القراءهـ ..

1- يمنع اصطحاب الأطفال والجوال المدمج بالكاميرا لما في القصه من احداث خطيره ومشاهد مخله للصحهـ
2- الرجاء وضع الجوال على الصامت والا شدخوه بالجدار علشان مايرن
3- عدم الضحك على القصهـ .. والا بيضحك بيشوف شي ماعمره شافهـ

//

طبعا احب اعرفكم على نفسي .. اسمي الحقيقي زعتور وبالحاره يدلعوني روان لأني حلو الاول بس الحين الله يخلف ويجبر .. وجهي الله لاشماته تقول لعبة استخرج الاخطاء السبعه ..
كل من اهلي خرعوني وصرت كذا .. وانا وحيد امي وابوي .. وماعندي غير 6 اخوان وسبع بنات .. والمشكله اني ماتعرفت عليهم الى الان ..
وعندي بس صديق واحد وهو أمير الحبر .. وهذا اوفى صديق شفته بالدنيا .. يعني وقت الشده والجد تشوفونه اول واحد ينحاش ويتهرب مني >>>> ونعم الصديق والله
بس انه رجال .. اذا بقيته في مهمه مايقصر معي الصراحه واذا اتصلت عليه جوال اقوله صديقي أميرووهـ ابي منك خدمه على طول يسكر بوجهي .. بصراحه هذا هو مفهوم الصداقه ..
قولوا ماعلينا ..
انا واحد فاشل بالدراسه حد مايجيك .. يعني تخيلوا مره يمي طالب صغير .. اقوله وش اسمك يقولي فلان ولد فلان .. تذكرت ان ابوه دارس معي .. مو حافظ من حروف الهجاء الا اسمي بس .. الأعداد من الواحد للعشره واغلط فيهم بعد
المهم اني احب العب كورة القدم .. واشجع الاهلي السعودي واحب لاعب الاهلي زيدان الشمري .. عااد احب اقلد حركاته واشووت بقوه .. ومابقى ليت بالبيت ماكسرته .. حتى النمليه حقت المطبخ مابقى فيها غير باب ..
وابوووي كل يوم يهاوشني .. وامي تمسكني وابوي بالعسو يمحط فيني تمحيط .. واخواني يشجعون ابوي وامي .. وانا اقووم اناهق .. وابوي يشوف اخواني يشجعون يتحمس اكثر ويمحط اكثر .. عااد انا وصلت عندي .. واقوم معصب .. عاد انا اذا عصبت اشيش واذا ششت افيخ ..
واتفلت من امي واخذ العسو من ابووي .. واقوله ماهي شبعه الطق .. خلني اشووي انا اجرب العسو عليك >>>>باعها قليل الادب وبيمحط ابوهـ ..))
وابووي اللي يعصب ويصكني طرااق مابعد شفت من بعده شي .. احس الدنيا تدور .. اشووي الا اطالع بالمرااايهـ واشووف الوان الطيف بخدي ..
المهم اني نقزت على السرير قلت بخمد وانسى اللي صار لي .. وبينما انا اشاخر وفقاعه تطلع من خشمي مثل اللي بالرسوم .. مع الشهيق تكبر النفاخه .. ومع الزفير تصغر النفاخهـ ..
واذا بجوالي يرررن .. وحاولت افتح عيوني ابي اشووف منو اللي متصل .. بس مع الأسف باءت محاولاتي بالفشل .. لأن الغمص متمسك بعيوني .. وبشتى الطرق حاولت افكهـ .. بس مافي فاايدهـ ..
ورفعت الجوال .. الوووو منو معي >>>>بنفس خايسه يرد فيه النوم ...))
واسمع صوت وحده .. واذا بالغمص لحاله يفك مني .. كاان صوتها رقيق مثل بطاطس ليز بطعم الملح والخل .. وانا اول مره اسمع صوت بنت حقيقهـ ..
وهي اللي تسبني وتقولي good afternoon ..وانا اللي ارد عليها ابوك الملعون مو انا .. اقوول يالدووبه لاتسبين ترى والله ادش لك من السماعه واهطرق بجوالك .. وهي اللي تقولي what does this mean .. قلت لها امين ياارب >>>يفكرها تقوله قول امين ..))
قلت لها خلصي وش تبين تراني ابي اخمد وراي مدرسه باجر .. وترجع وتسبني مره ثانيه وتقولي I don't understand .. قلت لها التنده تجي على راسك قولي امين ..
طووووووووووط طوووووووووووووووط >>>>سكرت الخط بوجهي هالخايسه ..))
واذا بي اقفل جوالي واخلد للنوم مرة اخرى >>>>اخس يالمتنبي على غفله ..))
واليوم اللي بعده قابلت أمير الحبر وقلت له السالفه .. قالي ولايمهك انا اعرف اتكلم انكليزي .. توني مسجل بمعهد وعرفت اتكلم .. قلت له شلون تتكلم ..قالي اذا طلعت اتمشى من اشوف هندي اجلس اسولف معه واقوله How are you .. قلت له وش معناتها قالي معناها هلا رفيق شلونك وشلون الأهل ان شاءالله مرتاحين ..
عااد انا والله فرحت اني اعرف مثل أمير الحبر يعرف يتكلم عنقريزي .. عرفتوا ليش احب هالولد ..وقتها حسيت اني غير مع أميروهـ .. وفكرت اني اكتب لافته .. واكتب عليها .. عندي صديق يعرف يتكلم عنقريزي .. طول عمره هالولد مثقف ويحب التعلم .. قلت له خلاص اليوم نتصل على نفس الرقم اللي اتصل علي البارح .. وجلسنا نسولف انا وصديقي .. وسئلته ياأميروهـ اذا تبي تتزوج شنو مواصفات زوجتك .. الولد استحى ونزل راسه وصارت خدوده حمرهـ ..
قالي استحي >>>ياحليله أميروهـ يستحي قم بس قم ..))
قلت لا جد شنو مواصفاتها .. قالي بصراحه ابيها بيضه .. قلت له بيضه مفيوح والا مسلوق ههههههههه .. قالي تنكت انت وخشتك وهو اللي يلف يده ويحوكني سطار ذكرني بشوتت اسامه المولد على النصر ..
عاااد انا اخاف منه .. وقلت له انا مسامحك .. بس عطني مواصفاتها .. قالي بيضه وحلوه وعيونها عسليين .. وشعرها لين ركبها وناعم .. قلت له ماودك تخطب لميس انت وخشتك اللي تقول ركبة حمد المنتشري متزحلق على مالك معاذ ..
قال ياليت بس هي تحب يحيي >>>>مسكين متأثر بمسلسل سنوات الضياع ..))
قلت له خلاص ولايهمك اخطب لك شغالة الجيران .. ماشاءالله عليها موووت .. اللون بلاكـ .. ومافيها غير ضرس واحد ومتسلفته .. والخشم الحمدلله والشكر تقول مدرج مطار الملك خالد .. وهو اللي يرفع يده ويموه ويشوتني برجلهـ .. قالي مالت علي اللي اسولف معك ..
المهم قولوا ماعليكم ..
اتصلنا على نفس الرقم .. واخذ أمير الحبر يكلم البنت اللي اتصلت علي .. وهو يرطن معها .. والله طلع مهب سهل .. وهو اللي يضحك معها .. كااان انقهر منه وانقز عليه واخذ الجوال منهـ ..واقوله هي يابو الشباب انا حبيتها قبلكـ .. قالي شلون حبيتها وانت ماشفتها .. قلت له الحب مايعرف مستحيل >>>>هالجمله اسمعها بالمسلسلات واخيرا قلتها هههه ..))
قالي انقلع انت وراسك اللي كأنه مضرب تنس روجيه فيدرر .. وهو اللي يتفاهم معها .. وبعد خمس دقايق وثلاث ثواني وعشر اجزاء من الثانيه خلص اميروهـ من المكالمه .. وقالي وهو فرحااان مبرووك يازمنوهـ .. قلت له على شنو .. قالي هذي مديرة كورة القدم بنادي برشلونه وتبيك توقع معهم عقد .. وتلعب معهم .. وانا اللي اسووي مثل الافلام مو مصدق الخبر واطيح مغشي علي ..
وأمير الحبر يركض للمطبخ ويجيب كاس مااي يصحيني .. قم زمنووهـ لاتوهقني فيك .. اذا مشيت موت على كيفك تكفى مو تموت الحين .. اشووي وانا اللي اصحى من الوعكه الصحيه التي ألمت بي >>>>بالله عليكم ماأصلح مؤلف مثل وداد الكواري ..))
قالي يازمنوهـ وش فيك .. قلت له مو مصدق حلمي تحقق اخيراً .. قالي لاتفرح كثير .. عندهم شرط .. قبل توقيع العقد لازم تخوض تجربه ميدانيه .. قلت له والله موافق ولو يبوني اجلس احتياط اساسي بعد .. قالي زمنووهـ تكفى قولهم يودني معك مرافق .. يقولون هناك عندهم بنات هبشه لابسين من غير هدوم .. قلت له شلون يعني .. قالي يطلعون الشارع مثل الاولاد بس بجنوز وبدلات ..
قلت له ولايهمك اول واحد انت تروح قبلي بعد .. المهم ان امير الحبر اتفق معهم ان بعد يومين يوفرون لنا تذاكر الطيران .. بس عندنا مشكله .. ابوي وابو أميروهـ مهب موافقين اصلا .. وجلسنا نفكر شلون نقنعهم .. وانا اللي اشوف امير الحبر ماسك كمشه ويحرك شعره .. قلت وش تسوي يالخبل قالي احرك افكاري .. قلت له ماشاءالله عليك مسوي فيها ذكي .. وانا اللي امسك زنوبتي مقاس 55 واشحطه على جبهته بقوووهـ .. وهو اللي يجلس يصااوي من الحراره
قالي وش فيك .. قلت له شلون تحرك افكارك بدون ماتقولي .. المهم بعد تفكير عميق ومضني دام دقيقتين .. جات لي فكره .. ان نقول حق ابوي وابوه .. ان حنا رايحين مكه المكرمه نحج .. بالفعل قلنا لهم .. بس ابوي صادني قالي شلون تحجون في شهر جمادى .. وانا اللي يضربني عقر بقر .. وشو اقوله الحين .. قلت هذا طال عمرك يايبه .. ان انا وخويي اميروهـ مشاركين بمسابقة حقق حلمك في قناة ام بس سي .. وطلعت لنا جائزه للحج في اي وقت نبيهـ .. ابووي سكت اشووي .. وانا قلبي يرقع ومسووي داخل شكشكه من الرقع ..
وقالي معك حق ياولدي العلم في تطور سبحان الله >>>>ماأدلخ منك الى ابوكـ ..))
ونفس الشي مع اميروووهـ ... وبالفعل بعد يومين وصلتنا التذاكر .. طبعا الحجز في طيران الخليج .. يقولون المضيفات كل وحده احلى من الثانيه .. والخدمه عندهم مزمز ميرندا ..
وماصدقنا خبر .. جهزت اغراضي .. واتصلت على اميروهـ قلت له جهز روحك اشووي وانا يم بابكم .. بعد عشر ساعات ان شاءالله جايكـ .. قالي اوكي .. وماهي الا دقائق الا وصلت بيت اميروهـ .. وماشفت الا واحد فتح الباب وركب .. كان لابس مايوهـ وبدله زلط .. قلت يالطيب بحر العجير هناكـ .. وهو اللي يضحك علي .. والصوت مو غريب .. الضحكه ضحكت اميروهـ والشكل توم كروز .. قالي وشفيك انا صديقك ورفيقك اميرووهـ .. قلت له وش مسوي بنفسك .. قالي ابي اكشخ هناك يم البنات ههههههه ..
ووصلنا المطار .. جلسنا ننتظر رحلتنا .. اشووي ادور اميروهـ وماشفته .. واجلس احوس المطار .. عاد المطار ماشاءالله صغير حييييييييل .. اشووي الا اشووف اميروهـ يصاارخ الحق يازمنوهـ فيه صقور كبار ونسور تطير هناا .. قلت له وينهم .. قالي هناكـ وتاكل اوادم بعد .. وانا اللي اخذ شنطتي بنحاش .. الا نشووف واحد يمنا يضحك عليناا .. قاله اميروهـ انحش يالغبي لاياكلك الصقر .. قال هذا مو صقر هذي الطيارهـ اللي بتوديكم اي مكاان .. وانا اجلس اضحك على روحي اربع ساعات متتاليه مع وقت بدل ضايع ..
المهم قولوا ماعلينا .. جاء دور رحلتنا .. عاااد المذيعه الداخليه تقوول .. على ركاب الرحله 302 التوجه الى البوابه .. وتوني شايل اغراضي بركب الطياارهـ .. الا اسمع صووت يناديني ..
زمنووووهـ زمنوووووهـ قووووم قووووووم ... وش السالفه يالربع ...

تبون تعرفون منوو
نزلوا تحت

//

//

//

الا اثرهااا امي تناديني .. تقولي قم بسك نوم روح المدرسهـ
تهئ تهئ تهئ تهئ اثر كل هذا حلم .. والله يهديها امي ماصبرت لمن اركب واشوف المضيفات ههههههههه

//

//

ومع الف سلامه ياحلمي اللي تبخر هع هع هع هع
وآسف اذا كانت القصه بااايخهـ
والعذر والسموحهـ

::///::

04-27-2009, 03:43 PM

ها ها ها هاي

مسكين آخر شي تحلم

يا مسكييييييييييييييييييييييييين

خلاص المره القادمه إحلم في الخميس و الحمعة عشان يكتمل ولا حد يقومك

04-27-2009, 07:47 PM

اقتباس:

المشاركة الأصلية كتبت بواسطة moon girl

ها ها ها هاي

مسكين آخر شي تحلم

يا مسكييييييييييييييييييييييييين

خلاص المره القادمه إحلم في الخميس و الحمعة عشان يكتمل ولا حد يقومك

خخخخخخخخخخخخخخخخخ
ان شاءالله احلم ايام الحميس والجمعه هع هع هع
ومشكوره خيتووو على المرور الحلوو
سلاموووووووووووهـ

04-27-2009, 08:28 PM

هههههههههههههههههههه

ياحسآفتآه اجل ضآع عليك حلمك حظ اوفر في المرة القادمه>>>تقول سحب على جوائز...

يسلموو زمآنووه عالقصه المتبخررة..

تحيآتي لك..

04-27-2009, 09:38 PM

هههههههههههههههههههههههههه

حــلوه القصـــه حيـــل تدري شنو اللي عجبني فيهــآ

كلمــه (هبشـه) هههههههههه

مشـكور اخوي ع القصـــه

ربي لآيحرمنـــآ روعـــه ابدآعــــك

\\

04-27-2009, 11:55 PM

ههههههههههه
وربي زمانووه عليك قصص <<<اكيد من بنات افكآرك
اقصد اولاد افكاارك هههههههههههه
اصلا غطيت على وداآآآد الكوآآري <<<تستهبل..
اممممم في الاخير حلم <<احسن شي ان امك صحتك قبل ماتشوف المضيفآت
<<<قمة النذآآآآله ههههههههه
.........
يسلموووو دوووووووووب ع القصه ...
موتتني ضحك...

04-28-2009, 02:13 AM

مو غريب عليك حتى باحلمك عبيط هع

بس حلمك تصدق شيء
^
مايرسل عبر الاقمار البلوتوثيه لذاكرة مخي عشان اقدر اكمله عنك هههههههههههه

عشان نشوف وش اخره
عاد مضيفات اجل هاه ههههههههههههه

ياساتر بس

قهرررر اجل يوم مدرسة وراحت عليك هع
< ياملحي ماعندي مدرسة
بس ما احلم كذا

يعطيك العافيه ع القصة المزحكة هع
تعودنا منك هيك شيات مزوحات ع التاير ..

ودي لك