عمرك .. حسيت بالغربه ..



على الرغم من وجودك .. بين أهـلك وناسك ..



عمرك حسيت انك ماتنتمي للناس اللي معاك ..



انك معاهم جسـد بـلا روح !!



عمرك حسيت بالغربه .. على الرغم من أن كل شي يقولك انك عايش في وطنك ..



اللي .. عشت فيه .. وربيت فيه .. وماعشقت غير هواه !!



عمرك حسيت انك .. غريب ..



غربه روح !!



غربه جسـد !!



عمرك حسيت بالـرغبه في البكاء .. بس بدون سبب ..



تبكي .. وتبكي..



تبكي أيـامك اللي عشتها ..



تبكي .. ايام .. وايام .. تحاول تنساها .. او بالاحرى تتناساها !!



تبكي أشيـاء .. مالك ذنب فيها ..



اشياء صارت غصب عنك !!



اشياء الود ودك اتغيرها .. او تمحيها .. او تستعيدها !!



عمرك حسيت بغربه الروح ..



انك عايش ومو عايش !!



تبكي.. وماتسمع غير صوت بكائك ..



تحس انه مالك حد !!



صوت الالم بداخلك هو الوحيد اللي تسمعه !!



صوت الغربه !!



والحزن ..



كأن الحزن والآلام هي الوحيده اللي مخاويتك في الدنيا ..



كأنك عشت فيها بس عشان اتكون غريب الروح !!



عمرك حسيت بأن الحزن بس مخـلوق لعيونك !!



عمرك حسيت بأن الهم .. انولد معاك ..



عمرك حسيت براحه لفتره قصيره ..



ولكن ..



يصير لك موقف ..



تتذكر أشـخاص ..



تتذكر ناس . .



ويتعكــر مزاجك !!



وتحاول تلقى ناس ..



يدارونك .. يحظنونك !! يدارون دمعتك ..



وماتلقى حد غير الألم .. والحزن .. اللي مخاوتها كانت مخاوه وفا معاك !!



عمرك حسيت .. ان كلمه وحيد .. صارت بمثابه الاسم لك !!



صارت عنوانك .. صارت دولتك الوحيده في هالدنيا !!



عمرك حسيت انه في ناس بس يتفنون انهم



ينثـرون فوق الجرح ملـح !!



بس عشان يجـرحونك زياده .. ويتفننون في الجرح !!



عمرك حسيت .. بأن الابتسامه اللي تبتسمها حق الناس ..



بمثابه ابتسامه نفاق ..



انك تظهر شي انت مافيك ..



سعاده .. بس .. ياليت تلقى السعاده في قلبك ..



راحه .. ياليت تلقى الراحه في راحتك !!



عمرك حسيت بأن أي ابتسامه تبتسمها مالها داعي ..



لانها مو من خاطرك !!



عمرك حسيت باليتم .. وانت عندك أم واب !!



ولكن .. وجودهم بس كان لأسباب الدنيا ..



اتحس بعدم قدرتهم إنهم يعـرفون مشاعرك .. احاسيك !!



وفجـأه .. اتحس .. بان غربه الروح .. بتذبحك في يوم من الأيام !!



غربه الروح .. هي بمثابه السم .. اللي ينتشر في روحك ..



ويحاول انه ينهيك ..



وتحسسك انك ميت ..



مافي شي يربطك في هالدنيا .. غير الهوا اللي تتنفسه !!



وياليت هالهوا جايب نتيجه معاك !!



ولكن الحياه اللي تعيشها بمثابه .. موت .. ضياع .. حيره ألم ..



لهم بدايه . .



بس



ماتتوقع انه لهم نهايه !!



وتحس فجأه .. ان اليد اللي كانت سبب في بقائك في هالدنيا ..



بدت تسحب ايدها بهــدوء من حياتك .. من ايديك !!



وتحاول اتخليك لوحدك في هالدنيا ..



تواجه مصيرك وحدك !!



بلا رفيق .. بلا صديق ..



على الرغم .. انكم .. اتفقتوا تعيشون العمر كله ..



ولكن . .



واحد منكم يخل بالوعد !!



ويرحل .. بلا مقدمات !!



عمرك حسيت .. ان الموت أريح لك .. من الدنيا اللي عايشنها !!



عمرك حسيت انك ميت ..



بس



ميت .. يمشي .. وياكل ويشرب ..



ولكن .. حياتك .. صار مالها معنى !!



وانت تحاول .. انك تزرع الامل في قلوب الناس ..



ولكن .. وين الامل عنك .. وعن حياتك !!



وانت ..



حتى نسـمه الهوا .. تجرحك .. وتزيد في جرحك !!



وانت .. وحيد .. غريب .. ميت !!



عمرك حسيت . . بمراره الدنيا اللي تعيشها ..



عمرك حسيت ..



انك



لازم ماتعيش في هالدنيا !!



عمرك حسيت انك مجرد صوره في البرواز ..



ممكن في يوم انها تنسكر ..



بس انكسار الروح ..



اكثر ألم .. من انكسار الصوره !!



عمرك حسيت انك جسم بــلا روح !!











صعب جدا انك تعيش في الدنيا .. من دون الناس اللي كنت تعتبرهم "" الدنيـــــــــا ""

يسلموووووووووووووو

الله يسلمج
شكرا على المرور الكريم

بحر المحبة

مشكووووووووووووووووووووووووووووووور

العفو ولا هنتم
شكراً على المرور العطر ..


بحر المحبة

وانت تحاول .. انك تزرع الامل في قلوب الناس ..

ولكن .. وين الامل عنك .. وعن حياتك !!


مشكوررررر
ابدعت في طرحك للموضوع
والله يعطيك العافيه

آآه فايالها من غربه

تحيااتي

أمل الغد

العفو ولا هنتم
شكراً على المرور العطر ..


بحر المحبة

::

بحر المحبه

اشكرك على ما قدمت

تحياتي لك

::

العفو ولا هنت
شكراً على المرور العطر ..


بحر المحبة