الشاعر الحساس والرائع
نصــــــــــــار الظفيري



فات الأوان ( يمه )

يا يمه منتهي جيتك وطالب منك الغفران
اقبل قاعة اقدامك واغسلها بدمعاتي
يا يمه كل ما فيني ينادي لك انا ندمان
طلبتك قولي سامحتك .. ردي لوجهي بسماتي
انا ادري قلبك الطيب كسرته بصدمة النكران
غلطت .. وغلطتي هذي تعيِّر كل غلطاتي
تشوفي الشيب يا يمه !! ترى ما جا وانا فرحان
وربي اللي رفع ذاتك .. ونزل للردى ذاتي
فقدت الراحة من بعدك .. فقدت الطيبة والتحنان
بدونك راحتي غاية .. بـ يدينك هذي راحاتي
أنا بعدك ولا حاجة .. أنا بعدك ترى عميان
أشوف ولا أشوف اللي يوريني مساراتي
أنا وسيد الشقى والهم من بعدك غدينا اخوان
يجيب هموم هالعالم ويرميها بمساراتي
صدقتي يوم قلتي لي: تدين اليوم بس تندان
رميتك في بداياتي ورموني في نهاياتي
أنا من شالك بـ إيده ورماكِ بـ أسفل البركان
نخيتيني وطلبتيني .. ولا حصلتي نخواتي
مثل ما هنتي بعيوني عليهم قلبي يمه هان
رموني وضعفهم فزعة .. وأنا الدمعات فزعاتي
يا يمه لا تظنيني أنا من فعلهم زعلان
سواتٍ فيك سويته .. وسووا فيني سواتي
يا يمه .. يالله ضميني ودفيني بهالأحضان
أنا أدري فيكِ مشتاقة .. وهمك بس ملاقاتي
يا يمه حيل ضميني أبي أرتاح أنا تعبان
تعبت أهرب من ذنوبي أبيكِ آخر مسافاتي
أبـ أسمع منكِ أي كلمة .. لصوتك مسمعي ولهان
أبـ أسمع يمه بصوتك أبـ أذكر فيها نشواتي
أشوفك ساكتة يمه .. غفيتي !! والا أنا غلطان !!
غفيتي يا بعد عمري .. تعبتي من مواساتي !!
يا يمه .. يا يمه .. يا يمه .. يا يمه !!!
طالبك قومي .. إذا لي بعيونك شان
أشوف الموت بعيونك .. عساها تغيب هقواتي
تعالوا يا بشر شوفوا .. أنا محتار .. أنا تلفان
أنا أمي مدري وش فيه .. أنا مدري .. أنا أحاتي
شنو !! شنو !! أمي أنا ماتت !! لا ..لالا أنا غلطان
أنا أمي ما تخليني على حزني ووناتي
أنا أمي قلبها طيب .. ولا يمكن تبكي انسان
أنا أمي ما تبكيني .. ولا تتمنى آهاتي
يا يمه صح ما متي ؟؟ وصح الموت تو ما حان ؟؟
إذا متي أنا بعدك أبـ أقضي وين ساعاتي ؟؟
يا يمه قومي يا يمه .. وقولي: الموت لا ما كان
أنا جيتك وأنا ناوي أبـ أبدي فيكِ جناتي
تركتيني ومتي ليه .. تركتيني وأنا غرقان ؟؟
ولا مسموح يا وليدي .. ولا تلعنت لعناتي
أنا الجاني .. وأنا المجني .. وأنا المخطي .. وأنا الندمان
وأنا بـ إيدي رميتك إيه وبعثرتها ملفاتي
وجيت من الهنا مفلس .. وقلبي من الضنا خسران
تركتيني على ناري أعدد فيكِ زلاتي
ولاني مرضيٍ ربي .. ولا ني تابع الشيطان
أنا بعدك ترى ما بين نهايتي وبداياتي
يا يمه .. منتهي جيتك .. وكلي مرتجي غفران
وشفت الناس تلعنني .. وتحذرني من الآتي

~~~~~~~~~~~~

http://home.no.net/anyas/anyaflower255.gif


مشكورة أخت a2133c على القصيدة الرائعة


ولاحرمنا من جديدك


وحبيت أزودكم بقصيدة تصف حنان الأم وحبها لأولادها


تفضلوا القصيدة وأعتقد كلكم تعرفونها




اغرى امرؤ يوما غلاما جاهلا
بنقوده كما ينال منه الوطر ..

قال ائتني بفؤاد أمك يا فتى
ولك الدراهم والجواهر والدرر ..

فمضى وأغرز خنجرا في صدرها
والقلبَ أخرجه وعاد على الأثر !

لكنه من فرط سرعته هوى
فتدحرج القلب المعفر إذ عثر

ناداه قلب الأم وهو معفر :
ولدي حبيبي هل أصابك من ضرر؟

فكان هذا الصوت رغم حنوه
غضب من الإله على الغلام قد انهمر

فاسْــتَــلَّ خنجره ليطعن قلبه
ويبقى عبـــرة لمن اعتبر ..

ناداه قلب الأم أن كـــف يـــــداً
ولا تطعن فؤادي مرتين على الأثر





وأعود وأشكرك مرة أخرى أخت a2133c
http://home.no.net/anyas/anyaflower255.gif

http://www.uaekeys.com/fwasel/www.uaekeys.com12.gif
مشكوره اختي


a2133c


على القصيده الرائعه

التي ابحرت في عالم الام

الف شكر لكي

تقبلي تحياتي http://www.uaekeys.com/fwasel/www.uaekeys.com12.gif

http://www.uaekeys.com/fwasel/www.uaekeys.com12.gif
مشكوره اختي


a2133c


على القصيده الرائعه

التي ابحرت في عالم الام

الف شكر لكي

تقبلي تحياتي
http://www.uaekeys.com/fwasel/www.uaekeys.com12.gif

اشكر لكم مروركم الكريم اخوي هتلر واخوي صدق احساس
ومشكووووووووووور اخوي هتلر على الكلمات الرائعه

مشكور يالغلاا
منـ جد كلمااتـ
رائعهـ يليتــ
توفيـ حق الامــ
مشكور لابدااعكــ
وتميزكــــــ

دلوعـ الشرقية ــة

http://www.nokiamoon.net/upr/uploads/93eb69c339.gif (http://www.nokiamoon.net/upr)

http://forums.alhtoon.com/images/smilies/slslaah.gif

كـلمـات في غـاية الروعــة والجـمـال

والأجـمـل انـهـا تتـضمن الأم

فأشكركِ اختي العزيزة

على الموضوع

http://forums.alhtoon.com/images/smilies/slslaah.gif

يعطيك العافيه على القصيده